کسی کو ڈکٹیشن دینے کی ضرورت نہیں، الیکشن کب ہوں گے یہ فیصلہ پارلیمنٹ کو کرنا ہے: شہباز شریف

قومی اسمبلی کے ارکان پارلیمنٹ لاجز سے اسمبلی پہنچ گئے

اسپیکر اسد قیصر کے خلاف تحریکِ عدم اعتماد جمع

حزبِ اختلاف کی جماعتوں نے اسپیکر قومی اسمبلی اسد قیصر کے خلاف بھی تحریکِ عدم اعتماد جمع کرا دی ہے۔

پی ایم ایل (ن) کے رکن، مرتضیٰ جاوید عباسی کی جانب سے قومی اسمبلی سیکریٹریٹ میں جمع کرائی جانے والی تحریکِ عدم اعتماد پر اپوزیشن ارکان کے دستخط موجود ہیں۔

قائدِ حزبِ اختلاف شہباز شریف کی پارلیمنٹ ہاؤس آمد

آج نئی تاریخ رقم ہونے جا رہی ہے: مریم اورنگزیب

پاکستان مسلم لیگ (ن) کی ترجمان مریم اورنگزیب نے کہا ہے کہ آج پارلیمان میں ایک نئی تاریخ رقم ہونے والی ہے۔ انہوں نے دعویٰ کیا کہ 200 سے زائد اراکین حزبِ اختلاف کی تحریک عدم اعتماد کی حمایت کریں گے۔

پارلیمنٹ ہاؤس میں میڈیا سے گفتگو کرتے ہوئے انہوں نے کہا کہ عدم اعتماد کی تحریک کی حمایت کرنے والے حزب اختلاف کے علاوہ جو دیگر اراکین ہیں وہ وزیرِ اعظم عمران خان کے لیے سرپرائز ہوگا۔