19:17
18.3.2020
دنیا بھر میں کرونا وائرس کے مریضوں کی مجموعی تعداد دو لاکھ ایک ہزار سے تجاوز کر گئی ہے جن میں سے 82 ہزار سے زائد مریض صحت یاب ہو چکے ہیں۔ کرونا وائرس سے ہلاکتوں کی تعداد بھی بڑھ کر 8007 ہو گئی ہے۔
19:19
18.3.2020
19:41
18.3.2020
پنجاب میں بھی ریستوران اور دکانیں 10 بجے بند کرنے کا فیصلہ
پاکستان کے صوبے پنجاب کی حکومت نے کرونا وائرس کا پھیلاؤ روکنے کے لیے بڑے شاپنگ مالز، ریستوران اور دکانیں 10 بجے تک بند کرنے کا فیصلہ کیا ہے۔
بدھ کو پنجاب اپیکس کمیٹی کے اجلاس کے بعد کرونا وائرس سے بچاؤ کے لیے ہنگامی اقدامات کی منظوری دی گئی۔
پنجاب کے وزیر اعلٰی عثمان بزدار کا کہنا ہے کہ شہریوں کی نقل و حمل محدود کرنے کے لیے مزید اقدامات پر بھی غور جاری ہے۔ حکومتِ پنجاب نے سیاحتی مقام مری میں بھی سیاحوں کی آمد پر پابندی لگا دی گئی ہے۔
اجلاس میں فیصلہ کیا گیا کہ ضروری سرکاری ملازمین کو ہی دفاتر میں بلایا جائے گا۔
