یوکرین کا ایک مسافر طیارہ بدھ کو ایران کے دارالحکومت تہران میں گر کر تباہ ہو گیا ہے۔ مسافر طیارہ بوئنگ 737 تہران کے امام خمینی ایئر پورٹ سے اڑا تھا اور کچھ ہی فاصلے پر تہران کے جنوب مغربی علاقے پارند کے قریب گر کر تباہ ہو گیا۔
یوکرین کا طیارہ ایران میں گر کر تباہ
1
حادثے کے بعد ریسکیو ٹیمیں جائے وقوعہ پر پہنچیں اور امدادی سرگرمیاں شروع کیں۔ تاہم ایمرجنسی میڈیکل سروس کے سربراہ پیر حسین کولیوند نے تصدیق کی ہے کہ طیارے میں سوار تمام 176 مسافر ہلاک ہو گئے ہیں۔
2
تہران میں یوکرین کے سفارت خانے نے کہا ہے کہ ابتدائی طور پر حادثے کی وجہ طیارے کے انجن میں خرابی معلوم ہوتی ہے۔
3
تباہ ہونے والے یوکرینی طیارے کے قریب صحافیوں کے ساتھ عام لوگ بھی جمع ہیں۔ رواں سال پییش آنے والا یہ پہلا طیارہ حادثہ ہے۔
4
یاد رہے کہ ایک ماہ کے دوران یہ دوسرا بڑا فضائی حادثہ ہے۔ اس سے قبل 27 دسمبر کو قازقستان کی ایئر لائن 'بیک ایئر' کا طیارہ الماتی شہر کے قریب گر کر تباہ ہوا تھا جس میں عملے سمیت 99 افراد سوار تھے۔
