بھارت کی جنوبی ریاست کیرالا کے کالی کٹ ایئرپورٹ پر جمعے کی رات ایئرانڈیا کا ایک طیارہ کریش لینڈنگ کے دوران رن وے پر پھسل کر دو ٹکڑے ہو گیا۔ طیارے میں 190 مسافر سوار تھے۔ پرواز دبئی سے آرہی تھی۔ بھارتی حکام کے مطابق حادثے میں کم سے کم 18 افراد ہلاک ہو چکے ہیں۔
لینڈنگ کے دوران ایئر انڈیا کے طیارے کو حادثہ
1
طیارے کی لینڈنگ کے دوران کیرالا میں بارش ہورہی تھی جس سے طیارہ دور تک پھسلتا چلا گیا۔ ہلاک ہونے والوں میں طیارے کا پائلٹ کیپٹن دیپک سیٹھ ، معاون پائلٹ اکھیلیش کمار اور چار بچے بھی شامل ہیں۔
2
بھارتی میڈیا نے ابتدائی رپورٹس میں بتایا کہ پائلٹس نے طیارے کو دو مرتبہ رن وے پر اتارنے کی کوشش کی، مگر بارش کی وجہ سے طیارہ پھسل گیا جس کے سبب وہ جہاز پر کنٹرول نہ رکھ سکے۔
3
حادثے کے نتیجے میں جہاز دو ٹکڑے ہو گیا۔ پچھلے حصے کے مقابلے میں جہاز کا سامنے کا حصہ سب سے زیادہ متاثر ہوا ہے۔
4
حکام کا کہنا ہے کہ سرچ اینڈ ریسکیو آپریشن مکمل ہو چکا ہے اور حادثے کے تمام زخمیوں کو اسپتال منتقل کردیا گیا ہے۔