پاکستان میں حزب اختلاف کی جماعتوں کی حکومت مخالف آل پارٹیز کانفرنس (اے پی سی) سے اپوزیشن رہنماؤں نے خطاب کیا۔ پیپلزپارٹی کی میزبانی میں ہونے والی اے پی سی سے سابق صدر آصف زرداری اور سابق وزیر اعظم نواز شریف نے ویڈیو لنک کے ذریعے خطاب کیا۔
اپوزیشن کی حکومت مخالف آل پارٹیز کانفرنس
1
آل پارٹیز کانفرنس میں اپوزیشن کی 11 جماعتیں شریک ہوئیں۔ اپوزیشن رہنماؤں کا کہنا ہے کہ کانفرنس کا ایجنڈا حکومت مخالف متفقہ حکمتِ عملی ترتیب دینا ہے۔
2
پاکستان میں اپوزیشن جماعتیں اس سے قبل بھی آل پارٹیز کانفرنس منعقد کرتی رہی ہیں۔ تاہم اپوزیشن رہنماؤں کا دعویٰ ہے کہ یہ اے پی سی فیصلہ کن ہو گی۔
3
سابق وزیر اعظم نواز شریف نے طویل عرصے بعد خاموشی توڑتے ہوئے کانفرنس سے لندن سے ویڈیو لنک کے ذریعے خطاب کیا۔
4
نواز شریف نے اپنے خطاب میں کہا کہ ملک میں حقیقی جمہوریت بحال نہ کی گئی تو ناقابل تلافی نقصان پہنچے گا۔
