برطانيه جي بچاءَ واريءَ وزارت چيو آهي ته ائين ٿو لڳي ته ايران جا تيار ڪيل ’شاهد’ نالي ڊرونز باقاعدگيءَ سان روس کي ڏنا پيا وڃن.
ٽوئٽر تي شائع ٿيڻ واري هڪ برطانوي دفاعي بيان ۾ چيو ويو آهي ته روس فيبروريءَ جي پوين ٻن هفتن تائين ڊرون حملا روڪڻ کان پوءِ ممڪنه طور تي گهٽ ۾ گهٽ 71 اهڙا ڊرون هلايا آهن جن کي هو يوڪرين ۾ نشاني بنائڻ جي لاءِ استعمال ڪندو رهيو آهي.
يوڪرين جي اختياريءَ وارن ٻڌايو آهي ته اهڙي قسم جي حملن ۾ شهري بنيادي ڍانچي کي نشانو بڻايو ويندو آهي.
برطانيه جي بچاءَ واري وزارت چيو آهي ته روس ممڪنه طور تي نودار ڪرائي ۽ برائنسڪ اوبلاست مان ڊرون هلائي رهيو آهي. انهن سان روس کي سهولت حاصل آهي ته يوڪرين جي وڏي ۽ ڏورانهين علائقي کي نشانو بنائي سگهي جيڪي يوڪرين جي اتر ۾ آهن. اوسيتائين پهچڻ جي لاءِ روس کي گهٽ اڏام جي صلاحيت حاصل ٿي وئي آهي.
هوڏانهن ايران جي رهبر اعليٰ آيت الله علي خامن ايءَ مشهد ۾ ’نوروز’ جي موقعي تي ڪيل هڪ تقرير ۾ يوڪرين تي حملي جي لاءِ روس کي ڊرون موڪلڻ جي ترديد ڪئي آهي.
هن چيو ته ’’اسان يوڪرين جي جنگ ۾ پنهنجي موجودگيءَ کي واضح طور تي مسترد ڪريون ٿا’’.
(وي او اي نيوز)
