منتخب صدر ڈونلڈ ٹرمپ سروس میں شرکت کے لیے سینٹ جونز چرچ پہنچ گئے
امریکہ کے منتخب صدر ڈونلڈ ٹرمپ صدارت کا حلف اُٹھانے سے قبل تقریب میں شرکت کے لیے واشنگٹن ڈی سی کے سینٹ جونز چرچ پہنچ گئے ہیں۔
حلف برداری سے قبل امریکہ کے نو منتخب صدور کی وائٹ ہاؤس کے نزدیک واقع اس چرچ کی سروس میں شرکت بھی ایک روایت ہے۔
جب چالیس سال قبل صدر کی تقریبِ حلف برداری اِن ڈور منتقل کی گئی
روایت کے برخلاف ڈونلڈ ٹرمپ کی تقریبِ حلف برداری اِن ڈور ہو رہی ہے لیکن امریکہ میں ایسے مواقع پہلے بھی آتے رہے ہیں۔
حالیہ تاریخ میں 1985 میں اس وقت دوبارہ منتخب ہونے والے ری پبلکن صدر رونلڈ ریگن کی حلف برداری بھی کیپیٹل ہل پر کھلی فضا میں منعقد نہیں ہو پائی تھی۔
وائٹ ہاؤس کے اس وقت کے ریکارڈ کے مطابق حلف برداری کی اِن ڈور منتقلی پر اس وقت کے صدر رونلڈ اور ان کی اہلیہ نینسی ریگن بہت اداس تھے۔ لیکن انہیں بھی سردی کی شدت کی وجہ سے یہ فیصلہ کرنا پڑا تھا۔
سال 1985 میں وائٹ ہاؤس کے پریس سیکریٹری لیری اسپیکس کے مطابق صدر اور خاتونِ اول کو احساس تھا کہ ان کے پاس اس کے علاوہ کوئی راستہ نہیں تھا۔
امریکہ کی حالیہ تاریخ کی چند پریزیڈنشل انوگریشنز کی جھلکیاں
حلف سے پہلے ڈونلڈ ٹرمپ کی کیا مصروفیات ہوں گی؟