پاکستان میں منگل سے جامعات، کالجز اور اسکولوں میں نویں و دسویں جماعت میں تدریسی عمل بحال ہو گیا ہے۔ لگ بھگ چھ ماہ بعد طلبا و طالبات تعلیمی اداروں میں پہنچے تو داخلی دروازے پر ہی ان کے جسم کا درجہ حرارت چیک کیا گیا۔ درس گاہوں میں سماجی دوری اور ماسک پہننے کو لازم قرار دیا گیا ہے۔ حکومتِ پاکستان نے کرونا وائرس کے کیسز میں کمی کے بعد سات ستمبر کو مرحلہ وار تعلیمی ادارے کھولنے کا اعلان کیا تھا۔ اس اعلان کے تحت 23 ستمبر سے چھٹی، ساتویں اور آٹھویں جماعتوں میں تدریسی عمل شروع ہو گا جس کے بعد 30 ستمبر سے پرائمری اسکول کھولے جائیں گے۔
پاکستان میں تعلیمی ادارے کھل گئے
5
پاکستان میں لگ بھگ چھ ماہ بعد تعلیمی سلسلے کا دوبارہ آغاز ہوا ہے۔
6
پشاور میں طلبہ اسکول جانے کی تیاری کر رہے ہیں۔
7
طالبات اسکول میں داخلے سے قبل مرکزی دروازے پر قطار بنائے کھڑی ہیں جہاں ان کے جسم کا درجہ حرارت چیک کرنے کے بعد اسکول میں داخلے کی اجازت دی جائے گی۔
8
طالبات کا اسکول کی جانب سفر