مصر نے غزہ کی سرحد کے ساتھ سرحد پر رفح کراسنگ کے قریب اپنے ٹینک تعینات کر دیے ہیں۔ رپورٹس کے مطابق غزہ میں اسرائیل اور حماس کے درمیان جاری لڑائی کے سبب مصر کو ہزاروں پناہ گزینوں کی آمد کا اندیشہ ہے اور اس نے حالیہ جنگ کے آغاز سے ہی اپنی سرحد کو بند کیا ہوا ہے۔ رفح کراسنگ سے صرف امدادی ٹرکوں کو غزہ جانے کی اجازت ہے۔ رفح کراسنگ غزہ کی پٹی سے باہر نکلنے کا واحد فعال زمینی راستہ ہے۔ دیگر زمینی سرحدی راستے اسرائیل کے ساتھ ہیں جو کئی برسوں سے بند ہیں۔
