واشنگٽن ۾ عالمي مالياتي اداري جا عمل دار ۽ اسلام آباد ۾ خزاني واري وزارت جا عهديدار اها اميد ظاهر ڪري رهيا آهن ته پاڪستان جي لاءِ آئي ايم ايف جي پيڪيج جو معاهدو اسٽاف ليول اجلاس ۾ طئي ٿي ويندو.
خزاني واري وفاقي وزير اسحاق ڊار خميس ڏينهن به عالمي مالياتي اداري جي عهديدارن سان ’ورچوئل اجلاس’ ۾ شرڪت ڪئي ۽ ٻڌايو ته پاڪستان سمورن شرطن تي عمل ڪرڻ جو يقين ڏياري ٿو.
هوڏانهن پاڪستان جي خزاني جي مملڪتي وزير، ڊاڪٽر عائشه غوث پاشا به وائس آف آمريڪا سان خصوصي انٽرويو ۾ ٻڌايو ته آئي ايم ايف قرض پروگرام جي بحاليءِ کي ٻاهرين فائنانسنگ جي دستيابيءَ سان مشروط ڪيو ويو هو ۽ دوست ملڪن پاران يقين ڏيارڻ کان پوءِ پاڪستان اسٽاف ليول معاهدي جي ويجهو پهچي چڪو آهي.
ٻئي پاسي، عالمي ادارو پاڪستان جي ڀائيوران ۽ ٻين دوست ملڪن سان ملي ڪم ڪري رهيو آهي.
واشنگٽن ۾ اسد خالد جي رپورٽ مطابق، عالمي مالياتي اداري چيو آهي ته پاڪستان کي پنهنجي معيشت بهتر ڪرڻ جي لاءِ فيصله ڪن قدم کڻڻا پوندا ۽ معاشي سڌارا آڻڻا پوندا، جنهن جو فيصلو پاڻ پاڪستان کي ڪرڻو پوندو.
پاڪستان هن وقت آئي ايم ايف سان پنهنجي ٽيويهين پروگرام جي نوين جائزي جي قسط جي لاءِ مذاڪرات ڪري رهيو آهي. ليڪن، اڃان تائين هڪ ڏهائي هڪ ارب ڊالر جي قسط جي لاءِ اسٽاف ليول معاهدو نه ٿي سگهيو آهي.
عالمي اداري جي سربراه، ڪرسٽالينا جيورجيوا چيو آهي ته عالمي ادارو پاڪستان سان ملي قرض جي حل جي لاءِ ڪو پاليسي فريم ورڪ ٺاهڻ جي ڪوشش ڪري رهيو آهي. ان کان اڳ پاڪستان جو قرض غير پائيدار سطح تي پهتو هو، جنهن جو حل ڪڍڻ جي ضرورت آهي.
ٻئي طرف، پاڪستان جي خزاني جي مملڪتي وزير عائشه غوث پاشا وائس آف آمريڪا جي نمائندي علي فرقان کي ٻڌايو ته آئي ايم ايف قرض پروگرام جي بحاليءَ کي ٻاهرين فائنانسنگ جي دستيابيءَ سان مشروط ڪيو ويو هو ۽ دوست ملڪن جي يقين ڏيارڻ کان پوءِ پاڪستان اسٽاف ليول معاهدي جي ويجهو پهچي چڪو آهي.
