موسمِ گرما کے آغاز پر بھارت کے زیرِ انتظام کشمیر میں گجر اور بکروال خانہ بدوشوں کے ہزاروں خاندان اپنے مال مویشیوں سمیت جموں کے میدانی علاقوں سے وادیٔ کشمیر کے بالائی علاقوں کا رُخ کرتے ہیں۔ وہاں گرمیاں گزارنے کے بعد وہ جموں کے میدانی علاقوں میں لوٹ جاتے ہیں۔ کشمیر کے گرمائی صدر مقام سرینگر سے 70 کلو میٹر شمال میں گگن گیر کا پہاڑی سلسلہ ان خانہ بدوشوں کا پسندیدہ مقام ہے، جہاں وہ پتھروں اور لکڑیوں سے بنائی گئی جھونپڑیوں میں قیام کرتے ہیں۔ اور برف باری کے آغاز سے پہلے واپسی کے لیے رخت سفر باندھ لیتے ہیں۔
بھارتی کشمیر میں خانہ بدوشوں کے شب و روز
1
گجر اور بکروال خانہ بدوش مال مویشیوں سمیت جموں کے میدانی علاقوں سے وادیٔ کشمیر کے بالائی علاقوں کا رُخ کرتے ہیں۔ جہاں وہ لکڑی، پتھروں اور مٹی سے بنے گھروں میں قیام کرتے ہیں۔
2
خانہ بدوش بچے اپنے عارضی گھر کی چھت پر کھیل رہے ہیں۔
3
خانہ بدوش اپنے عارضی گھروں کے ساتھ ہی مویشی باڑے بھی بنا لیتے ہیں۔
4
ایک خانہ بدوش بچی موسم گرما کے اپنے عارضی گھر کے دروازے پر کھڑی ہے۔