عمران خان کا سیاسی سفر

عمران خان نے 1996میں سیاسی جماعت تحریکِ انصاف کی بنیاد رکھی اور 2002 کے انتخابات میں انہیں پہلی انتخابی کامیابی حاصل ہوئی جب وہ تنہا اپنی پارٹی سے منتخب ہو کر قومی اسمبلی میں پہنچے۔ 2008 میں پی ٹی آئی نے انتخابات کا بائیکاٹ کیا۔ 30 اکتوبر 2011 کو لاہور میں ہونے والے جلسے کو تحریکِ انصاف کی سیاست کا اہم ترین موڑ قرار دیا جاتا ہے جس کے بعد جماعت نے انتخابی سیاست میں اپنے قدم جمانا شروع کیے اور تحریکِ انصاف 2013 کے عام انتخابات میں 33 نشستیں حاصل کرکے ملک کی تیسری بڑی جماعت بنی۔ پی ٹی آئی 2018 کے انتخابات میں ملک کی سب سے زیادہ نشستیں لینے والی جماعت کے طور پر سامنے آئی۔