ایران کے صدر ابراہیم رئیسی اور وزیرِ خارجہ کی ہیلی کاپٹر حادثے میں ہلاکت کے بعد ایران میں فضا سوگوار ہے۔ جائے حادثہ پر ملبہ ہٹانے اور لاشوں کو منتقل کرنے کا عمل جاری ہے۔ صدر کی ہلاکت پر ایران میں پانچ روز کے سوگ کا اعلان کیا گیا ہے۔ پاکستان میں بھی ایک روزہ سوگ کا اعلان کرتے ہوئے قومی پرچم سرنگوں کر دیا گیا ہے۔ ایران کے صدر اتوار کو آذربائیجان کی سرحد کے قریب دو ڈیموں کی افتتاحی تقریب کے بعد ہیلی کاپٹر پر تبریز آ رہے تھے کہ اُن کا ہیلی کاپٹر حادثے کا شکار ہو گیا۔ دیکھیے یہ پکچر گیلری۔۔۔
ایرانی صدر اور وزیرِ خارجہ کی ہیلی کاپٹر حادثے میں ہلاکت
1
ایران کے صدر ابراہیم رئیسی اور وزیرِ خارجہ حسین امیر عبداللہیان سمیت دیگر افراد کی ہیلی کاپٹر حادثے میں ہلاکت کے بعد لوگ ماسکو میں ایرانی سفارت خانے کے باہر پھول رکھ رہے ہیں۔
2
ایران کے شمال مغربی علاقے ورزغان کے دُشوار گزار پہاڑی سلسلے میں گرنے والے ہیلی کاپٹر کو پیر کی صبح تلاش کیا گیا۔ امدادی کارکن جائے حادثہ سے ایک ڈیڈ باڈی لے جا رہے ہیں۔
3
شدید دُھند اور خراب موسم میں امدادی کارکن جائے حادثہ پر موجود ہیں۔
4
ایرانی صدر کا ہیلی کاپٹر اتوار کو آذربائیجان کی سرحد سے ایران کے شہر تبریز آ رہا تھا۔