امریکی صدر ڈونلڈ ٹرمپ کے خلاف مواخذے کے کارروائی جاری ہے۔ منگل کو امریکہ کی کئی ریاستوں میں صدر ٹرمپ کے درجنوں مخالفین سڑکوں پر نکلے اور مواخذے کے حق میں مظاہرے کیے۔ مظاہرین کا مطالبہ تھا کہ صدر ٹرمپ کا مواخذہ کر کے انہیں عہدۂ صدارت سے ہٹایا جائے۔
امریکہ: صدر ٹرمپ کے مواخذے کے حق میں مظاہرے
1
امریکی صدر ٹرمپ کے خلاف مواخذے کی کارروائی اہم مرحلے میں داخل ہو گئی ہے۔ مواخذے کے لیے جوڈیشری کمیٹی سے منظور ہونے والے دو الزامات پر ایوانِ نمائندگان میں آج ووٹنگ کا امکان ہے۔
2
صدر ٹرمپ پر اختیارات کے غلط استعمال اور کانگریس کی تفتیش میں رکاوٹ ڈالنے کے الزامات عائد کیے گئے ہیں۔ تاہم صدر ٹرمپ ان الزامات کو غلط قرار دیتے ہیں۔
3
صدر ٹرمپ کے مخالفین ان کے خلاف مواخذے کی کارروائی آگے بڑھانے کے خواہش مند ہیں۔ منگل کو نیو یارک میں ہونے والے مظاہرے میں ایک شخص نے بینر اٹھایا ہوا تھا جس پر درج ہے کہ صدر ٹرمپ جتنا جھوٹ بولیں گے ہم اتنا ہی ان کے خلاف کھڑے ہوں گے۔
4
نیو یارک کے مشہور علاقے ٹائمز اسکوائر پر صدر ٹرمپ کے خلاف ریلی کا ایک منظر۔ شرکا نے ان کے مواخذے کے حق میں بینرز اور پلے کارڈز اٹھائے ہوئے ہیں۔
