آمريڪا جي صدر جو بائيڊن پنهنجي حڪومت جي ڪوششن سان ٿيڻ واري بين الاقوامي ’ڊيموڪريسي سمٽ’ اجلاس جو آغاز ڪيو آهي ۽ سموري دنيا ۾ جمهوريت جي واڌاري جي مختلف پروگرامن جي لاءِ 69 ڪروڙ ڊالر جي فنڊ جو اعلان ڪيو آهي.
صدر بائيڊن اربع ڏينهن ڪانفرنس جي افتتاحي خطاب ۾ چيو ته اسان وقت جي واهڙ جي وهڪري کي بدلائڻ جي لاءِ ڪٺا ٿيا آهيون. اسان تاريخ جي اهڙي موڙ تي آهيون جڏهن اسان جا ڪيل فيصلا ڪيترن ئي ڏهاڪن تائين دنيا تي اثرانداز ٿيندا رهندا.
پنهنجي خطاب ۾ صدر بائيڊن ڪرپشن جي مقابلي، شفاف ۽ آزادانه چونڊن ۾ سهڪار ۽ جمهوري حڪومتن جي مدد جي لاءِ ٽيڪنالاجيءَ ۾ جدت آڻڻ جي لاءِ 69 ڪروڙ ڊالر جي فنڊ جو اعلان ڪيو.
صدر بائيڊن جي حڪومت جي پاران سڄيءَ دنيا ۾ جمهوريت کي درپيش مسئلن متعلق ٿيڻ واري هيءَ ٻي ڪانفرنس هئي. ان ۾ تقريبن 120 عالمي اڳواڻ شريڪ ٿي رهيا آهن ۽ ان جو گهڻي ڀاڱي سمورو حصو ورچوئل منعقد ٿي رهيو آهي.
وائيٽ هائوس جي بيان جي مطابق، صدر بائيڊن ڪانفرنس کي خطاب ڪندي جمهوري طرز جي حڪومت کي درپيش گهرو معاملن ۽ عالمي چيلينجن سان نبرڻ جي لاءَ گڏيل ڪوششن جي ضرورت تي زور ڏنو.
صدر بائيڊن جي اعلان ڪيل فنڊ جي ڪانگريس مان منظوري ملڻ لازم آهي.
وائيٽ هائوس جي مطابق ان فنڊ مان شروع ٿيڻ وارا پروگرام ميڊيا جي آزادي، ڪرپشن جي مقابلي، آزادانه ۽ شفاف انتخابات ۽ ٽيڪنالاجيءَ جي جدت سان جمهوريت کي سگهاري ڪرڻ جي لاءَ هوندا.
پنهنجي بيان ۾ وائيٽ هائوس آمريڪا اندر جمهوريت کي درپيش مسئلن بابت به اعتراف ڪيو آهي، جنهن ۾ ووٽنگ رائيٽس کي توسيع ڏيڻ جي لاءِ صدر بائيڊن جي ڪانگريس مان قانون سازيءَ جي منظّوريءَ ۾ ناڪاميءَ جو حوالو به ڏنو ويو آهي.
ليڪن بيان ۾ چيو ويو آهي ته انصاف جي محڪمي آمريڪي ووٽنگ جي حقن جي نفاذ جي ڪوششن کي اڳتي وڌايو آهي.
سمٽ جو اعلان
ڊيموڪريسي سمٽ پنهنجي اعلان ۾ آزادانه اليڪشن سميت بنيادي جمهوري قدرن جي حمايت سان گڏ يوڪرين تي روس جي حملي ۽ انساني حقن جي ڀڇ ڪڙين جي مذمت ڪئي وئي.
اجلاس ۾ 120 کان وڌيڪ ملڪ شريڪ آهن. ليڪن ابتدائي طور تي 73 ملڪن ان اعلان جي توثيق ڪئي آهي.
ڀارت، اسرائيل، فلپين سميت 12 ملڪن اعلان جي ڪن حصن کان عليحدگي اختيار ڪئي آهي. ليڪن انهن ملڪن انساني حقن جي حمايت ۽ بين الاقوامي فوجداري عدالت جي اهميت جو اعتراف ڪيو آهي.
پاڪستان ان ڪانفرنس ۾ شريڪ نه ٿيڻ جو فيصلو ڪيو هو.
