گیارہ سالہ فرح صلوحہ امریکہ کی شہریت رکھتی ہیں اور وہ پانچ برس قبل غزہ آئی تھیں۔ حماس اسرائیل جنگ کے سبب اب انہیں غزہ چھوڑنا پڑ رہا ہے۔ ان کا کہنا ہے کہ وہ اپنے والد اور دوست احباب کو بہت یاد کریں گی۔ حماس کے اسرائیل پر حملے کے بعد اسرائیل کی غزہ پر جوابی کارروائی تاحال جاری ہے۔ جنگ کے بعد یکم نومبر کو پہلی بار غیر ملکی پاسپورٹ رکھنے والوں اور شدید زخمیوں کے انخلا کے لیے رفح بارڈر کھولا گیا تھا۔ قطر کی ثالثی میں اسرائیل، مصر اور حماس کے مابین طے پانے والے معاہدے کے بعد رفح کراسنگ کھولی گئی تھی۔