کوئٹہ میں حالیہ بارش کے باعث شدید سردی

کوئٹہ شہر میں ہونے والی بارش کے بعد درجۂ حرارت مزید گر گیا ہے اور لوگ سردی سے بچنے کے لیے آگ تاپ رہے ہیں۔ 

موسمِ سرما کے دوران کوئٹہ میں درجۂ حرارت منفی میں چلا جاتا ہے اور پہاڑوں پر ہونے والی برف باری کے بعد سرد ہوائیں موسم کو مزید سرد کر دیتی ہیں۔

محکمہ موسمیات کے مطابق مغربی ہواؤں کا سلسلہ ملک کے مغربی علاقوں میں داخل ہو گیا ہے جس سے سردی بھی بڑھ گئی ہے۔ 

سردی بڑھنے سے گیس کی بھی قلت ہو گئی ہے جس سے شہریوں کی مشکلات مزید بڑھ گئی ہیں۔ 

محکمہ موسمیات کے مطابق اگلے چند روز کے دوران بلوچستان کے دیگر علاقوں ژوب، زیارت، بارکھان اور قلعہ سیف اللہ میں بارش اور پہاڑوں پر برف باری کا امکان ہے۔ 

سردی میں ہونے والے اضافے کی وجہ سے معمولاتِ زندگی بری طرح متاثر ہو رہے ہیں۔ 

 گیس کی قلت کی وجہ سے مقامی افراد لکڑیاں جلانے پر مجبور ہیں۔

شہر میں حالیہ دنوں میں مطلع آبر آلود رہا اور دھوپ نہ نکلنے کی وجہ سے سردی میں مزید اضافہ دیکھا گیا۔