امریکی ریاست ٹینیسی میں طوفان سے تباہی

ریاست ٹینیسی کے علاقے مشرقی نیش ول میں تیز ہواؤں سے متعدد عمارتوں اور گاڑیوں کو بھی نقصان پہنچا۔ 


 

تیز ہواؤں کے ساتھ آنے والے طوفان سے مکانوں کی چھتیں اڑ گئیں اور درخت جڑ سے اکھڑ گئے۔

 

تیز ہواؤں سے درخت، کھمبے اور مکانوں کا ملبہ گرنے سے متعدد گاڑیوں کو بھی نقصان پہنچا جب کہ بعض عمارتیں ملبے کا ڈھیر بن گئیں۔
 

بگولے سے تباہ ہونے والے مکانات کے ملبے تلے دب کر زیادہ ہلاکتیں ہوئیں۔ علاقے میں امدادی سرگرمیاں جاری ہیں۔

انتظامیہ کا کہنا ہے کہ طوفان کے باعث 50 ہزار افراد بجلی کی سہولت سے محروم ہیں۔ جس کے بعد مقامی اسکولوں اور دفاتر میں تعطیل کا اعلان کر دیا گیا۔

تیز ہواؤں اور جھکڑ چلنے سے مقامی ہوائی اڈے پر موجود جہازوں کو بھی شدید نقصان پہنچا جس کے بعد ایئرپورٹ بند کر دیا گیا۔ 

 

ٹینیسی ان ریاستوں میں شامل ہے جہاں ڈیموکریٹک پارٹی کے پرائمری انتخابات ہو رہے ہیں۔ خدشہ ہے کہ طوفان کی وجہ سے ٹرن آؤٹ کم رہے گا۔

ابتداً لوگوں نے اپنی مدد آپ کے تحت امدادی کاموں میں حصہ لیا اور تباہ شدہ مکانات کے ملبے سے قیمتی اشیا نکالیں۔