’جو حقوق آپ کو پیدا ہوتے ہی مل گئے تھے ہمیں اس بل کے بعد ملے‘ شہزادی رائے

ٹرانسجینڈر کے حقوق کے لیے سرگرم شہزادی رائے کا کہنا ہے کہ ٹرانسجینڈر بل پر تنازعہ سیاسی نوعیت کا ہے جس کا نقصان صرف خواجہ سرا کمیونٹی اٹھا رہی ہے۔ ان کا کہنا ہے کہ پیسہ لگا کر چلائی گئی مہموں کی وجہ سے خواجہ سراؤں کی جان کو خطرات لاحق ہو گئے ہیں اور بہت سوں کا روزگار چھن گیا ہے۔ انہوں نے الزام عائد کیا کہ اس بل کو سیاسی رنگ دے کر خواجہ سراؤں کے حقوق کی جدوجہد کو بیس سال پیچھے دھکیل دیا گیا ہے۔