اسرائیل کی متاثرینِ جنگ کو نئی ہدایت؛ 'کسی کو احساس نہیں کہ ہم کس اذیت سے گزر رہے ہیں'

شمالی غزہ سے فرار ہو کر جنوب کی طرف آنے والے فلسطینی شہری اسرائیلی حکومت کی نئی ہدایت کے بعد غیر یقینی صورتِ حال کا شکار ہیں۔ اسرائیلی فورسز نے زمینی کارروائی کا دائرہ وسیع کرتے ہوئے غزہ کے جنوبی قصبے خان یونس کے کئی علاقوں کو خالی کرنے کی ہدایت کی ہے۔ ان علاقوں میں جنگ کے بعد ہزاروں بے گھر فلسطینیوں نے پناہ لی تھی جو ایک مرتبہ پھر نقل مکانی پر مجبور ہو گئے ہیں۔