بھارت: سرنگ میں پھنسے ورکرز سے کیمرے کے ذریعے پہلا رابطہ

بھارت کی ریاست اتراکھنڈ کی ایک زیرِ تعمیر سرنگ میں لگ بھگ 10 روز سے پھنسے ورکرز سے پہلی مرتبہ کیمرے کے ذریعے رابطہ ہوا ہے۔ ریسکیو اہلکاروں نے چھ انچ کے پائپ سے کیمرہ سرنگ میں اتار کر پھنسے ہوئے ورکرز کو دیکھا اور واکی ٹاکی کی مدد سے ان کی خیریت بھی معلوم کی۔ بارہ نومبر کو پہاڑی علاقے میں زیرِ تعمیر سرنگ میں کام جاری تھا کہ اس دوران سرنگ بیٹھنے سے 41 ورکرز پھنس گئے تھے۔