داعش کا عراقی شہر رمادی پر قبضے کا دعویٰ

شدت پسند تنظیم داعش کے جنگجوؤں نے رمادی میں سرکاری فورسز کو پسپا کر کے شہر پر کنٹرول حاصل کر لیا ہے۔

اتوار کو کئی دن کی شدید لڑائی کے بعد عراقی فوج اور پولیس افراتفری میں پسپا ہو گئی۔

دریائے فرات کے کنارے آباد رمادی دارالحکومت بغداد سے 110 کلومیٹر دور مغرب میں واقع ہے۔

Huang Xiang's House Poem, City of Asylum Pittsburgh

داعش کے خلاف شیعہ ملیشیاؤں نے شدت پسندوں کی پیش قدمی روکنے اور بعض علاقوں سے انہیں پسپا کرنے میں اہم کردار ادا کیا ہے۔

اس سے قبل عراق کے وزیرِ اعظم حیدر العبادی نے رمادی میں تعینات فوجی دستوں پر زور دیا تھا کہ وہ اپنے مورچوں پر ڈٹے رہیں اور داعش کا ڈٹ کر مقابلہ کریں۔

صوبہ انبار میں سنّی آبادی اکثریت میں ہے اور اس کی سرحدیں ایک طرف شام اور دوسری طرف عراقی دارالحکومت بغداد سے ملتی ہیں۔