انتخابات میں مبینہ دھاندلی: 'امریکی ارکان کانگریس کے خط پر کوئی تبصرہ نہیں کریں گے'

پاکستانی دفترِ خارجہ کی ترجمان ممتاز زہرا بلوچ نے کہا ہے کہ انتخابات میں دھاندلی کے الزامات سے متعلق امریکی ارکانِ کانگریس کا خط دیکھا ہے جس میں پاکستانی حکومت یا کسی ادارے کو مخاطب نہیں کیا گیا۔ لہذٰا اس پر کوئی تبصرہ نہیں کریں گے۔ اُن کا کہنا تھا کہ پاکستان خودمختار ملک ہے اور یہاں کے ادارے اس نوعیت کی شکایات کو حل کرنے کی صلاحیت رکھتے ہیں۔