نیویارک: کم آمدن والے خاندانوں کے لیے تھینکس گونگ پر حلال ٹرکی

امریکہ میں تھینکس گونگ کے ساتھ بہت سی روایات جڑی ہوئی ہیں۔ لیکن تارکینِ وطن یہاں آ کر نئی روایات کو جنم دیتے ہیں، ان میں سے ایک ہے نیو یارک کے علاقے برائٹن بیچ میں حلال ٹرکی کی تقسیم۔ یہاں کے مقیم پاکستانی بلا امتیاز رنگ و نسل ہر سال سینکڑوں ٹرکی ان نادار لوگوں میں تقسیم کرتے ہیں جو خود سے اسے خرید کر تھینکس گونگ کے روایتی ڈنر سے لطف اندوز نہیں ہو سکتے۔