پاکستان کا ایف-16 جنگی طیارہ گر کر تباہ

ترجمان کی طرف سے جاری بیان میں کہا گیا ہے کہ پاکستان ایئر فورس کی جانب سے 23 مارچ کے پروگرام کے لیے ریہرسل کی جا رہی تھی جس کے دوران ایف سولہ طیارہ گر کر تباہ ہوا۔

سیکیورٹی فورسز اور ریسکیو ٹیمیں جائے حادثہ پر پہنچ گئیں اور شہریوں کو تباہ ہونے والے طیارے کے پاس جانے سے روک دیا گیا ہے۔

اطلاعات کے مطابق طیارے کے پائلٹ ونگ کمانڈر نعمان اکرم حادثے میں ہلاک ہو گئے ہیں۔ اُنہیں حال ہی میں "شیر افگن" ایوارڈ سے نوازا گیا تھا۔

 

پاکستان فضائیہ کے ترجمان کا مزید کہنا ہے کہ ایئر فورس ہیڈکوارٹرز نے حادثے کی وجوہات جاننے کے لیے ایک انکوائری بورڈ تشکیل دینے کا حکم دیا ہے۔

طیارہ حادثے کے مقام سے دھویں کے بادل اُٹھ رہے ہیں۔

سیکیورٹی فورسز کے اہلکار حادثے کے مقام پر کھڑے ہیں۔

سیکیورٹی فورسز نے حادثے کے مقام پر جانے والی سڑک کو رُکاوٹیں لگا کر بند کر دیا ہے۔

جائے حادثہ پر مقامی لوگوں اور صحافیوں کی بڑی تعداد بھی موجود ہے۔ لیکن انہیں جہاز کے ملبے سے دور رکھا جا رہا ہے۔

حادثے کے مقام کا ایک اور منظر۔

خیال رہے کہ پاکستان میں ہر سال 23 مارچ کو یومِ پاکستان کی تقریبات میں فوجی پریڈ کی جاتی ہے جس کی تیاریاں اور ریہرسلز کئی روز قبل ہی شروع ہو جاتی ہیں۔ مذکورہ طیارہ بھی اسی پریڈ کی تیاریوں کے لیے مشقیں کر رہا تھا۔