امریکہ: طوفان اور بارشوں سے تباہی، 29 افراد ہلاک

امریکہ کی ریاست ٹیکساس کے شہر ڈیلس میں طوفانی بگولوں اور اس سے ہونے والے مختلف حادثات میں کم از کم گیارہ افراد ہلاک ہو گئے ہیں۔

طوفان کے باعث گاڑیاں الٹ گئی ہیں اور درخت اکھڑ گئے ہیں۔

طوفان کے باعث بجلی کے کھمبے بھی اکھڑ گئے جس سے بجلی کی فراہمی معطل ہو گئی۔

ٹیکساس میں طوفان کے آلارم سنتے ہی لوگ محفوظ مقام پر منتقل ہو رہے ہیں۔

امریکہ کے جنوبی علاقوں میں موسم سرما کے دوران اتنا شدید طوفان غیر معمولی بات ہے۔

پولیس کے مطابق ڈیلس کے علاقے میں 600 کے قریب عمارتوں کو نقصان پہنچا ہے۔

ریاست الاباما میں سیلاب کے باعث معمولات زندگی بری طرح متاثر ہوئے پوری ریاست میں تقریباً 190 شاہراہیں بند ہو گئیں۔