راجن پور: ’اتنا پانی تھا کہ بیٹیوں کا جہیز بھی نہ بچا سکے‘

جنوبی پنجاب کے علاقے روجھان میں سیلاب کے باعث ہزاروں خاندان کھلے آسمان تلے امداد کے منتظر ہیں۔ متاثرین میں بلوچی زبان کے صدارتی ایوارڈ یافتہ شاعر سعید تبسم مزاری بھی شامل ہیں جو اپنے خاندان سمیت ایک خیمے میں رہنے پر مجبور ہیں۔ سعید کے گھرمیں ان کی پانچ بیٹیوں کے جہیز کا سامان بھی تھا جو سیلاب کی نذر ہوگیا ہے۔ بلوچی زبان کے اس شاعر کی کہانی دیکھیے نوید نسیم کی اس رپورٹ میں۔