افغان صدر حامد کرزئی نے کہا ہے کہ وہ جنوبی افغانستان سے طالبان کونکالنے کے لئے آئندہ کسی بھی کارروائی سے پیشتر قبائلی سرداروں سے مشاورت کریں گے۔ اور ان سے صلاح مشورے ان کے تعاون کے بغیر کوئی کارروائی نہیں ہوگی۔
انہوں نے اتوار کے روز قندھار میں قبائلی سرداروں کے ایک بڑے اجتماع سے خطاب کیا۔ وہاں افغانستان میں امریکی اور نیٹو افواج کے کمانڈر، جنرل سٹینلی میک کرسٹل بھی موجود تھے۔
امریکی کمانڈروں اور افغانوں کا خیال ہے کہ طالبان کے خلاف ایسی کارروائی کے لئے عوام کی حمایت حاصل کرنا بہت ضروری ہے۔
توقع ہے کہ اتحادی فوجیں طالبان کے خلاف جون میں ایک بڑی کارروائی کا ارادہ رکھتی ہیں۔
