اسلام آباد ہائی کورٹ کے معزول جج شوکت عزیز صدیقی نے الزام عائد کیا ہے کہ عدلیہ اور فوج کے گٹھ جوڑ کی وجہ سے ملک آج اس حالت میں ہے۔ ان کے بقول عدلیہ میں اتنی سکت نہیں کہ وہ اسٹیبلشمنٹ کے ساتھ لڑ سکے البتہ عدلیہ نے ہمیشہ اسٹیبلشمنٹ کے غلط کاموں کو تحفظ فراہم کیا ہے۔ شوکت عزیز صدیقی نے وائس آف امریکہ کے عاصم علی رانا کو انٹرویو میں اپنی معزولی سمیت عدلیہ اور اسٹیبلشمنٹ کے کردار سمیت مختلف موضوعات پر اظہارِ خیال کیا ہے۔