ٹرمپ پر پھر حملے کی کوشش، مسلح شخص گرفتار

امریکہ کے سابق صدر ڈونلڈ ٹرمپ پر ایک بار پھر حملہ کرنے کی کوشش کی گئی ہے۔ سیکیورٹی حکام کے مطابق ان کے فلوریڈا میں گالف کلب کے باہر ایک مشتبہ مسلح شخص کو دیکھ کر سیکریٹ سروس کے اہلکاروں نے فائرنگ کی جس سے مسلح شخص فرار ہو گیا۔ اس شخص کو بعد ازاں پولیس نے ایک شاہراہ سے گرفتار کر لیا۔ سیکیورٹی اداروں کو گالف کلب کی باڑ کے پار ایک رائفل، کیمرہ، اور دو بیگ ملے ہیں۔ ایف بی آئی اس حملے کی تحقیقات کر رہی ہے۔ میڈیا اداروں کے مطابق مشتبہ حملہ آور کی شناخت ہو گئی ہے۔ واضح رہے کہ سابق صدر اور ری پبلکن پارٹی کے صدارتی امیدوار ٹرمپ جولائی میں قاتلانہ حملے میں زخمی ہوئے تھے۔