کراچی ادبی میلے کا پہلا روز

کراچی میں چھٹا سالانہ ادبی میلہ جمعے سے شروع ہوگیا ہے۔ ادبی میلے کی افتتاحی تقریب جمعے کو ایک مقامی ہوٹل میں منعقد ہوئی جس کے کلیدی مقررین میں بھارت سے آئی ادیبہ اور تجزیہ نگار نین تارا سہگل اور معروف پاکستانی شاعرہ زہرہ نگاہ شامل تھیں۔ لٹریچر فیسٹیول میں سال کی بہترین فکشن اور نان فکشن کتابوں کے لیے ایوارڈز کا بھی اعلان کیا گیا۔ تقریب کے اختتام پر معروف کلاسیکل رقاصہ نگہت چوہدری نے کتھک رقص پیش کیا۔ تین روزہ ادبی میلہ اتوار تک جاری رہے گا۔