۔
جرمنی میں گاڑیوں کی عالمی نمائش
جرمنی میں ہر دو سال بعد گاڑیوں کی ایک عالمی نمائش منعقد کی جاتی ہے۔ رواں سال ہونے والے فرینک فرٹ آٹو شو 2019 میں دُنیا بھر سے مشہور کار ساز اداروں نے اپنی نئی اور کانسیپٹ گاڑیوں کے ماڈلز کو نمائش کے لیے پیش کیا۔ لیکن فورڈ کے علاوہ کسی امریکی کار ساز ادارے نے اس شو میں اپنی گاڑیاں متعارف نہیں کرائیں۔
1
موٹر شو میں گاڑیوں کے ایک مشہور برانڈ ’بی ایم ڈبلیو‘ کی جانب سے 'منی' کا الیکٹرک ورژن پیش کیا گیا۔
2
ایک اور گاڑی ساز کمپنی لینڈ روور کی ’ڈی فینڈر‘ کا نیا ماڈل کار شو میں لوگوں کی توجّہ کا مرکز بنا رہا۔ یہ گاڑی عام سڑک پر چلنے کے علاوہ ناہموار زمین پر بھی چلنے کی صلاحیت رکھتی ہے۔
3
بی ایم ڈبلیو نے ویژن ایم نیکسٹ کانسیپٹ کار پیش کی جس میں سپر چارجڈ چار سلینڈروں والا انجن استعمال کیا گیا ہے۔ جب کہ گاڑی کے فرنٹ ایکسل بجلی کی مدد سے بھی چل سکتے ہیں۔ یہ کار صرف تین سیکنڈز میں 100 کلو میٹر کی رفتار حاصل کر لیتی ہے۔
4
’اوڈی‘ نے بجلی سے چلنے والی کانسپیٹ ریس کار نمائش کے لیے پیش کی جس میں بیٹھنے کے لیے صرف ایک سیٹ ہے۔
