بھارت کے زیرِ انتظام کشمیر اور جمّوں کو ملانے والا ایک تاریخی راستہ 'مغل روڈ' رواں سال مارچ سے کرونا وائرس کی وجہ سے بند تھا جو اب شوپیاں سے راجوری تک دوبارہ کھول دیا گیا ہے۔ یہ راستہ صدیوں پہلے 'شاہراہِ نمک' کے نام سے جانا جاتا تھا اور پھر ہندوستان میں مغل بادشاہوں کے دورِ اقتدار میں 'مغل روڈ' کے نام سے مشہور ہوا۔ اس خوب صورت راستے کی سیر کیجیے اس پکچر گیلری میں۔
بھارتی کشمیر کے تاریخی مغل روڈ کا سفر
5
خانہ بدوش بکروالوں کے لیے اس راستے کو چننے کی ایک وجہ کم فاصلہ بھی ہے۔ وہ اپنے مال مویشیوں کے ساتھ پہاڑوں اور میدانوں سے گزرتے ہوئے جموں اور کشمیر آتے جاتے ہیں۔
6
مغل روڑ سر سبز و شاداب جنگلوں اور بلند و بالا پہاڑوں کے بیچ سے گزرتا ہے اور اس پسماندہ علاقے کے لوگوں کے لیے، بالخصوص جن کے مال مویشی پانچ چھ ماہ وادیٔ کشمیر کی خوب صورت چراگاہوں میں گزارا کرتے ہیں، اس راستے پر سفر نزدیک اور آسان تر ہے۔
7
سن 1947میں تقسیمِ ہند کے بعد مغل روڈ کئی برسوں تک چھوٹی بڑی گاڑیوں کے لیے بند رہا۔ لیکن حالیہ برسوں میں اسے نہ صرف کشادہ بنایا گیا ہے بلکہ جدید تقاضوں کے مطابق اس پر سفر کو مزید آسان بنانے کے لیے کئی اقدامات اٹھائے گئے ہیں۔
8
اس راستے میں کچھ چھوٹی چھوٹی بستیاں بھی آتی ہیں لیکن زیادہ تر راستہ پہاڑوں سے ہو کر گزرتا ہے۔
