Zubair Dar is a multimedia journalist based in Srinagar, Pakistan.
بھارت کے زیرِ انتظام کشمیر میں حالیہ انتخابات کے بعد اسمبلی کا پہلا سیشن پانچ روز تک جاری رہنے کے بعد ختم ہو گیا ہے۔ اسمبلی کی کارروائی میں اہم معاملہ جموں و کشمیر کی خصوصی آئینی حیثیت کی بحالی سے متعلق پیش کردہ قرارداد تھی جسے ہنگامہ آرائی کے بعد منظور کیا گیا۔ یوسف جمیل اور زبیر ڈار کی رپورٹ۔
بھارت کے زیرِ انتظام جمّوں و کشمیر کی سیاسی جماعت نیشنل کانفرنس کے نائب صدر عمر عبداللہ نے بدھ کو ریاست کے وزیرِ اعلیٰ کی حیثیت سے حلف اٹھا لیا ہے۔ وہ کشمیر کی نیم خود مختار حیثیت ختم ہونے کے بعد منتخب ہونے والے پہلے وزیرِ اعلیٰ ہیں۔ دیکھیے یوسف جمیل اور زبیر ڈار کی رپورٹ۔
بھارت کے زیرِ انتظام جمّوں و کشمیر کے اسمبلی انتخابات میں نیشنل کانفرنس اور کانگریس پارٹی کے اتحاد کو بھاری مینڈیٹ سے کامیابی ملی ہے۔ بی جے پی نے جمّوں کے ہندو اکثریتی علاقوں میں تو میدان مار لیا ہے مگر کشمیر سے اسے ایک بھی نشست نہیں مل سکی۔ تفصیلات سرینگر سے یوسف جمیل اور زبیر ڈار کی رپورٹ میں۔
بھارت کے تقریباً 95 شہریوں کو دھوکے سے روس کے لیے کرائے کے فوجی بنا کر یوکرین کے محاذِ جنگ پر پہنچا دیا گیا تھا۔ اب ان میں سے 45 واپس اپنے ملک لوٹ آئے ہیں۔ محاذِ جنگ پر نو ماہ رہنے کے دوران آزاد یوسف کمہار پر کیا گزری؟ جانیے یوسف جمیل اور زبیر ڈار کی اس رپورٹ میں۔
بھارت کے زیرِ انتظام جمّوں و کشمیر کی ریاستی اسمبلی کے انتخابات کا آخری مرحلہ منگل کو مکمل ہو گیا ہے۔ تین مراحل میں ہونے والی ووٹنگ کیسی رہی اور یہ انتخابات کیوں اہم ہیں؟ بتا رہے ہیں بارہمولہ سے یوسف جمیل۔
بھارت کے زیرِ انتظام جموں و کشمیر کی قانون ساز اسمبلی کے انتخابات کا پہلا مرحلہ مکمل ہو گیا ہے۔ بھارتی الیکشن کمیشن کے ابتدائی اعداد و شمار کے مطابق ٹرن آؤٹ 60 فی صد کے قریب رہا۔ کشمیر میں پولنگ اسٹیشنز پر کیا ماحول تھا اور ووٹرز کیا کہہ رہے تھے؟ جانیے یوسف جمیل اور زبیر ڈار کی رپورٹ میں۔
بھارت کے زیرِ انتظام جمّوں و کشمیر میں دس سال بعد قانون ساز اسمبلی کے انتخابات ہو رہے ہیں۔ ان انتخابات میں کون کون سی جماعتیں سرگرم ہیں اور وہ عوام سے کیا وعدے اور دعوے کر رہی ہیں؟ جانیے سرینگر سے یوسف جمیل اور زبیر ڈار کی اس رپورٹ میں۔
بھارت کے زیرِ انتظام کشمیر میں قانون ساز اسمبلی کے انتخابات میں علحیدگی پسند جماعتوں سے وابستہ کئی اہم چہرے بھی سرگرم ہیں۔ علیحدگی پسند جماعتیں ماضی میں انتخابات کا بائیکاٹ کرتی رہی ہیں۔ تو اب یہ تبدیلی کیوں آئی ہے؟ جانیے سرینگر سے یوسف جمیل اور زبیر ڈار کی رپورٹ میں۔
پاکستان اور بھارت میں صاف پانی کا ایک بڑا ذریعہ کشمیر اور ہمالیہ کے خطے میں موجود گلیشیئرز ہیں جہاں سے برف پگھل کر پانی دریاؤں میں جاتا ہے۔ لیکن یہ گلیشیئرز تیزی سے ختم ہو رہے ہیں۔ ماہرین کہتے ہیں کہ اس کی وجہ موسمیاتی تبدیلیوں کے ساتھ گلیشیئرز پر انسانی سرگرمیاں بھی ہیں۔
بھارت کے زیرِ انتظام جموں و کشمیر کی وادئ چناب میں نئے ڈیموں، سرنگوں، پلوں اور سڑکوں کی تعمیرات جاری ہیں۔ ان تعمیری سرگرمیوں کے باعث چناب ویلی کا قدرتی منظر نامہ تبدیل ہو رہا ہے۔ ماہرین کو تشویش ہے کہ یہ ماحولیاتی تبدیلیاں کسی بڑے نقصان کا پیش خیمہ بن سکتی ہیں۔ یوسف جمیل اور زبیر ڈار کی رپورٹ۔
بھارت کے زیرِ انتظام کشمیر میں کچھ نوجوان ایسے افراد کی ٹرانسفارمیشن کرتے ہیں جو خاندانی مسائل، ذہنی پریشانیوں یا منشیات کے استعمال کے نتیجے میں سڑکوں پر زندگی بسر کر رہے ہیں۔ یہ رضا کار ان افراد کا حلیہ بہتر بنا کر انہیں گھروں تک پہنچانے کی کوشش کرتے ہیں۔ سرینگر سے زبیر ڈار اور یوسف جمیل کی رپورٹ۔
بھارت کے الیکشن کمیشن نے حال ہی میں اعلان کیا ہے کہ جمّوں و کشمیر اسمبلی کے انتخابات 18 ستمبر سے تین مراحل میں کرائے جائیں گے۔ جموں و کشمیر اسمبلی کے آخری انتخابات 2014 میں ہوئے تھے۔ 10 سال بعد الیکشن کے اعلان پر سیاسی جماعتیں اور لوگ کیا کہتے ہیں؟ جانیے یوسف جمیل اور زبیر ڈار کی اس رپورٹ میں۔
بھارتی کشمیر کے خطے چناب میں عسکریت پسندوں کے حالیہ پُر تشدد حملوں کے بعد ان کے خلاف آپریشن شروع کردیا ہے۔ شہری علاقوں میں سیکیورٹی کے غیر معمولی انتظامات کیے گئے ہیں۔ انٹری اور ایگزٹ پوانٹس سے گزرنے والی ہر گاڑی کی تلاشی لی جا رہی ہے۔ چناب کی سیکیورٹی سے متعلق مزید بتارہے ہیں یوسف جمیل۔
بھارت کے زیرِ انتظام کشمیر کے بابا وائل نامی گاؤں کو 'ڈاؤری فری ولیج' کہا جاتا ہے۔ اس گاؤں میں شادی بیاہ کے موقع پر جہیز اور قیمتی تحفے تحائف کے لین دین کا رواج نہیں ہے۔ لیکن اس گاؤں میں جہیز کی روایت کا خاتمہ کیسے ہوا؟ جانیے یوسف جمیل اور زبیر ڈار کی اس رپورٹ میں۔
بھارت کے زیرِ انتظام کشمیر میں سالانہ امرناتھ یاترا کا آغاز ہو چکا ہے۔ روزانہ ہزاروں ہندو عقیدت مند سمندر سے تقریباً 13 ہزار فٹ کی بلندی پر واقع امرناتھ غار پر حاضری دے رہے ہیں اور وہاں برف سے بنے شیو لنگم کے درشن کر رہے ہیں۔ مزید تفصیلات جانتے ہیں یوسف جمیل اور زبیر ڈار سے۔
بھارت کے زیرِ انتظام کشمیر میں سیاحوں کی آمد میں غیر معمولی اضافہ ہوا ہے۔ رواں برس بھی ہر جگہ سیاحوں کی بڑی تعداد نظر آ رہی ہے۔ لاکھوں کی تعداد میں سیاح آنے سے جہاں معیشت میں بہتری کی توقع ہے۔ وہیں اس سے خطے میں ماحولیات پر منفی اثرات کا بھی اندیشہ ہے۔ سرینگر سے یوسف جمیل اور زبیر ڈار کی رپورٹ۔
بھارتی کشمیر میں حالیہ پارلیمانی انتخابات میں سابق وزرائے اعلیٰ عمر عبد اللہ اور محبوبہ مفتی جیسے میدانِ سیاست کے شہسواروں کو شکست کا سامنا کرنا پڑا ہے۔ اس شکست پر علاقے کے عام لوگ کیا کہتے ہیں اور سیاسی تجزیہ کاروں کی کیا رائے ہے؟ جانتے ہیں سرینگر سے یوسف جمیل اور زبیر ڈار کی اس رپورٹ میں۔
بھارت کے زیرِ انتظام کشمیر میں لوک سبھا الیکشن کے نتائج میں دو سابق وزرائے اعلیٰ عمر عبداللہ اور محبوبہ مفتی کو شکست ہوئی ہے۔ بی جے پی اور اس کی اتحادی جماعتوں کو بھی چھ میں سے صرف دو نشستوں پر کامیابی ملی ہے۔ مزید تفصیلات یوسف جمیل اور زبیر ڈار کی اس ویڈیو میں۔
بھارت کے زیرِ انتظام کشمیر کے سیاسی افق پر حالیہ مہینوں میں کئی نئے چہرے نمودار ہوئے ہیں جن میں ریاست کے چند معروف سیاسی خاندانوں کی نئی نسل کے لوگ بھی شامل ہیں۔ کشمیر کی سیاست میں قدم رکھنے والے یہ نوجوان کتنے پُرکشش ہیں اور کتنے فعال ثابت ہو سکتے ہیں؟ یوسف جمیل اور زبیر ڈار کی رپورٹ۔
سرینگر - جمّوں ہائی وے بھارت کے زیرِ انتظام کشمیر کے لیے لائف لائن کی حیثیت رکھتی ہے۔ اس ہائے وے پر روز ہزاروں لوگ سفر کرتے ہیں اور کشمیر تک غذائی اجناس اور پیٹرولیم مصنوعات پہنچانے کے لیے بھی یہی راستہ استعمال ہوتا ہے۔ لیکن اس ہائی وے پر سفر کرنا کتنا مشکل ہے؟ بتا رہے ہیں یوسف جمیل اور زبیر ڈار۔
مزید لوڈ کریں
