بھارت کے ایک نجی اسپتال میں جمعہ کی صبح ہونے والی آتشزدگی سے کم ازکم 89 افراد ہلاک ہوگئے۔
حکام نے بتایا کہ ریاست مغربی بنگال کے دارالحکومت کولکتہ کے اسپتال میں لگنے والی آگ نے عمارت کو اپنی لپیٹ میں لے لیا۔
مقامی ٹی وی چینلز پر دکھائے جانے والے مناظر میں کئی منزلہ اسپتال کی عمارت سے مریضوں کو باہر نکالتے ہوئے اور پریشان حال لواحقین کو کھڑے دکھایا گیا۔
امدادی کارکن کھڑکیاں توڑ کر عمارت میں داخل ہوئے اور وہاں سے مریضوں کو دوسرے اسپتال منتقل کیا۔
حکام کا کہنا ہے کہ یہ آگ اسپتال کے تہہ خانے میں لگی جہاں کیمیاوی مواد ذخیرہ کیا گیا تھا۔
