اسرائیل کے فضائی حملوں کے بعد سے لبنان میں 90 ہزار سے زیادہ لوگ بے گھر ہوئے ہیں: اقوامِ متحدہ

اسرائیل اپنی فورسز کے ہزاروں اہلکاروں کو غزہ سے شمالی سرحد پر منتقل کرنے میں مصروف ہے۔ اس کا کہنا ہے کہ حزب اللہ کے پاس لگ بھگ ڈیڑھ لاکھ راکٹ اور میزائل ہیں جن میں سے بعض میزائل ایسے بھی ہیں جو کہ اسرائیل میں کسی بھی مقام کو نشانہ بنانے کی صلاحیت رکھتے ہیں۔

اسرائیلی فوج کے مطابق حزب اللہ گزشتہ برس اکتوبر میں غزہ میں جنگ شروع ہونے کے بعد سے اسرائیل پر لگ بھگ 9000 میزائل داغ چکی ہے۔

گزشتہ ہفتے لبنان میں حزب اللہ کے زیرِ استعمال ہزاروں پیجرز اور واکی ٹاکی سمیت کمیونی کیشن کے دیگر آلات میں دھماکے ہوئے تھے۔ ان دھماکوں میں 39 افراد ہلاک اور 2800 زخمی ہوئے تھے۔ لبنان نے ان دھماکوں کا الزام اسرائیل پر لگایا تھا البتہ اسرائیل نے اس پر کوئی تبصرہ نہیں کیا۔

ان دھماکوں کے بعد حزب اللہ نے اسرائیل پر سیکڑوں راکٹ داغنا شروع کر دیے تھے۔