بھارتی کشمیر میں جھڑپوں سے املاک کا نقصان

بھارت کے زیرِ انتظام کشمیر میں مسلح گروہوں اور سیکیورٹی فورسز کے درمیان وفتاً فوقتاً جھڑپیں ہوتی رہتی ہیں جس کی وجہ سے وہاں رہنے والوں کی املاک کو نقصان بھی پہنچتا ہے۔ ضلع شوپیاں کے ایک گاؤں راول پورہ میں حالیہ کارروائی میں متعدد گھروں کو نقصان پہنچا۔متاثرین نے الزام لگایا کہ جھڑپ کے دوران سیکیورٹی اہلکاروں نے جان بوجھ کر بارودی مواد کی مدد سے ان کے گھروں کو نشانہ بنایا۔ دوسری جانب سیکیورٹی فورسز نے ان الزامات کی تردید کرتے ہوئے دعویٰ کیا کہ املاک کو نقصان عسکریت پسندوں سے ہونے والی جھڑپوں کے نتیجے میں ہوا ہے۔