دنیا بھر کے مختلف حصوں میں موسمِ بہار اور نئے سال کو خوش آمدید کہنے کے لیے 'نوروز' کا جشن منایا جاتا ہے۔ نوروز کا تہوار عموماً 19 سے 21 مارچ کے درمیان ہوتا ہے جسے ایران اور فارسی زبان بولنے والے ممالک جوش و خروش سے مناتے ہیں۔ نوروز ایرانی کیلنڈر کے نئے سال کا پہلا روز ہے جس کا خیرمقدم ایران بھر میں پرمسرت تقریبات کے انعقاد سے کیا جاتا ہے۔ اس تہوار کا آغاز زرتشت مذہب کے پیروکاروں سے ہوا تھا لیکن اب یہ مذہبی تہوار نہیں رہا بلکہ اسے ثقافتی درجہ حاصل ہو گیا ہے۔ اقوامِ متحدہ کی جنرل اسمبلی نے فروری 2010 میں نوروز کو عالمی دن کے طور پر منانے کی منظوری دی تھی۔ نوروز ایران اور افغانستان کے علاوہ پاکستان، عراق، ترکی، آذربائیجان، تاجکستان، ازبکستان، کرغزستان اور قازقستان سمیت دیگر کئی ممالک میں بھی منایا جاتا ہے۔
نوروز: مختلف ممالک میں نئے ایرانی سال کا جشن
1
نوروز ایرانی کیلنڈر کے نئے سال کے ساتھ ساتھ موسم بہار کا پہلا دن ہوتا ہے۔ ایران کے دارالحکومت تہران کے ایک شاپنگ مال میں نوروز کی مناسبت سے تقریب کا انعقاد کیا گیا ہے۔
2
نوروز کاشمار دنیا کے قدیم ترین تہواروں میں کیا جاتا ہے۔
3
نوروز ایران اور افغانستان کے علاوہ پاکستان، آذربائیجان، تاجکستان، ازبکستان، کرغستان اور قازقستان سمیت دیگر ممالک میں بھی منایا جاتا ہے۔
4
نوروز کے دن ایران بھر میں پرمسرت تقریبات کا انعقاد کیا جاتا ہے۔
