فلپائن میں گزشتہ ہفتے آنے والے تباہ کن سمندری طوفان 'رائے' سے ہونے والی ہلاکتوں کی تعداد 208 ہو گئی ہے۔ اس طوفان کے باعث فلپائن کے وسطی اور جنوبی صوبے سب سے زیادہ متاثر ہوئے ہیں۔ 'رائے' کو فلپائن کی تاریخ میں آنے والے تباہ کُن طوفانوں میں سے ایک قرار دیا جارہا ہے۔
فلپائن میں سمندری طوفان 'رائے' کی تباہ کاریاں
1
حکام کے مطابق طوفان سے ہونے والی ہلاکتوں میں سے نصف سے زائد معروف سیاحتی مقامات والے صوبے بوہول میں ہوئی ہیں۔
2
مختلف علاقوں میں ہونے والے جانی و مالی نقصان کا اندازہ لگایا جارہا ہے اور اعداد و شمار کی تصدیق بھی کی جارہی ہے۔
3
مقامی پولیس حکام کے مطابق طوفان سے متاثرہ علاقوں میں امدادی سرگرمیاں جاری ہیں۔
4
طوفان 'رائے' کے باعث ہونے والی تباہی سے مواصلات کا نظام اور بجلی کی فراہمی کا عمل شدید متاثر ہوا ہے۔
