بعض عناصر الیکشن میں مداخلت کے الزامات لگا کر فوج کو بدنام کر رہے ہیں: کور کمانڈرز کانفرنس

سپریم کورٹ نے سنگین غداری کیس کا ٹرائل کالعدم قرار دینے کا معاملہے میں لاہور ہائی کورٹ کا فیصلہ کالعدم قرار دینے کا تفصیلی فیصلہ جاری کر دیا ہے۔

سپریم کورٹ ک تفصیلی فیصلے کے مطابق لاہور ہائی کورٹ کا فیصلہ آئین اور قانون کے ساتھ سپریم کورٹ کے احکامات کے بھی خلاف ہے۔

فیصلے میں مزید کہا گیا ہے کہ خصوصی عدالت کے فیصلوں کےخلاف اپیلیں سپریم کورٹ ہی سن سکتی ہے۔ لاہور ہائی کورٹ کو خصوصی عدالت کی تشکیل کا مقدمہ سننے کا اختیار نہیں تھا۔ خصوصی عدالت اسلام آباد میں تھی اس وجہ سے بھی لاہور ہائی کورٹ مقدمہ سننے کی مجاز نہیں تھی۔

فیصلے میں مزید کہا گیا کہ خصوصی عدالت کے فیصلے کے خلاف اپیل کا حق مجاز فورم پر موجود تھا۔ متعلقہ فورم کو چھوڑ کر لاہور ہائی کورٹ سے رجوع نہیں کیا جا سکتا تھا۔

فیصلے میں کہا گیا کہ ہائی کورٹ کا یہ کہنا درست نہیں کہ خصوصی عدالت کی تشکیل وفاقی حکومت نے نہیں کی تھی۔ خصوصی عدالت کی تشکیل کی منظوری وفاقی کابینہ سے بعد میں لی گئی تھی۔

سپریم کورٹ نے فیصلے میں کہا کہ لاہور ہائی کورٹ نے پرویز مشرف کو بری کرکے وہ ریلیف دیا جو مانگا ہی نہیں گیا تھا۔

خیبر پختونخوا کے نو منتخب وزیرِ اعلیٰ علی امین گنڈاپور تحریکِ انصاف کے بانی عمران خان سے ملاقات کے لیے اڈیالہ جیل پہنچ گئے ہیں۔

علی امین گنڈا پور سرکاری پروٹوکول میں اڈیالہ جیل پہنچے۔ وزیرِ اعلیٰ منتخب ہونے کے بعد ان کی عمران خان سے یہ پہلی ملاقات ہے۔

خیبر پختونخوا کے وزیرِ اعلیٰ کی آمد سے قبل اڈیالہ جیل کے باہر اضافی سیکورٹی تعینات کی گئی تھی۔

اس ملاقات سے قبل عمران خان کے ترجمان عمیر نیازی بھی اڈیالہ جیل پہنچ گئے۔

وزیرِ اعظم شہباز شریف نے حالیہ دنوں میں آنے والے سیلاب سے متاثر گوادر کا دورہ کیا ہے۔

شہباز شریف کا وزارتِ عظمیٰ سنبھالنے کے بعد یہ پہلا سرکاری دورہ ہے۔

گوادر کے دورے کے دوران ان کے ہمراہ بلوچستان کے وزیرِ اعلیٰ، گورنر اور دیگر اعلیٰ حکام موجود تھے۔

شہباز شریف نے متاثرہ افراد میں امداد بھی تقسیم کی۔ امداد کے دوران گوادر کی ’حق دو تحریک‘ کے ایم پی اے ہدایت الرحمٰن بھی موجود تھے۔

مقامی انتظامیہ نے شہباز شریف کو ریلیف کی سرگرمیوں پر بریفنگ بھی دی۔