پنجاب اسمبلی میں مسلم لیگ نون کے ملک محمد احمد خان اسپیکر منتخب ہو گئے

پنجاب اسمبلی کے اسپیکر اور ڈپٹی اسپیکر کے انتخابات کے لیے تیاریاں مکمل کر لی گئی ہیں۔ اسپیکر پنجاب اسمبلی سبطین خان نے انتخاب کے لیے اجلاس چار بجے طلب کیا ہے۔

مسلم لیگ (ن) کی جانب سے ملک احمد خان جب کہ سنی اتحاد کونسل کے احمد خان بھچر کے درمیان مقابلہ ہو گا۔

ڈپٹی اسپیکر کے لیے (ن) لیگ کے حمایت یافتہ ظہیر اقبال چنڑ اور سنی اتحاد کونسل کے معین ریاض کے درمیان مقابلہ ہو گا۔

اسپیکر پنجاب اسمبلی اور ڈپٹی اسپیکر پنجاب اسمبلی کا انتخاب خفیہ رائے شماری سے ہو گا۔

پاکستان تحریکِ انصاف (پی ٹی آئی) کے سیکریٹری جنرل عمر ایوب نے بیرسٹر گوہر خان کے خلاف بیان دینے پر شیر افضل مروت کو شوکاز نوٹس جاری کر دیا ہے۔

شوکاز نوٹس میں کہا گیا ہے کہ شیر افضل مروت کے بیان کی وجہ سے تناؤ کی صورتِ حال پیدا ہوئی۔ لہذٰا دو روز میں معافی نامہ جمع کرائیں۔

شیر افضل مروت نے بیان دیا تھا کہ انتخابات میں مبینہ دھاندلی کے بعد بیرسٹر گوہر خان کی نااہلی اور خراب کارکردگی کی وجہ سے اب بیرسٹر علی ظفر کو سامنے لایا جا رہا ہے۔

خیال رہے کہ پاکستان تحریکِ انصاف نے تین مارچ کو انٹر پارٹی انتخابات کرانے کا اعلان کر رکھا ہے جس میں بیرسٹر علی ظفر بھی اُمیدوار ہیں۔

گرینڈ ڈیمو کریٹک الائنس، پاکستان تحریکِ انصاف اور دیگر اپوزیشن جماعتوں نے انتخابات میں مبینہ دھاندلی کے خلاف 27 فروری کو سندھ میں یومِ سیاہ کا اعلان کر دیا ہے۔

سندھ اسمبلی کے افتتاحی اجلاس کے موقع پر جمعیت علمائے اسلام (ف)، جی ڈی اے اور جماعتِ اسلامی سمیت دیگر سیاسی جماعتوں نے کراچی میں احتجاج کیا۔ اس دوران جھڑپیں اور آنسو گیس کی شیلنگ بھی ہوئی۔

احتجاج کی وجہ سے کراچی کی مختلف سڑکوں پر ٹریفک کا نظام درہم برہم ہو گیا۔ سیاسی جماعتوں کے کارکنوں نے کراچی پریس کلب کے باہر دھرنا دے دیا۔

بعدازاں شام کو سیاسی جماعتوں نے کارکنوں کو پرامن طور پر منتشر ہونے کا اعلان کرتے ہوئے 27 فروری کو یومِ سیاہ کا اعلان کر دیا۔