سائفر کیس: اسلام آباد ہائی کورٹ نے عمران خان اور شاہ محمود قریشی کو بری کر دیا

مخصوص نشستوں سے متعلق درخواست کی سماعت میں سنی اتحاد کونسل کے وکیل فیصل صدیق نے کہا ہے کہ اس وقت مجموعی طور پر 77 متنازع نشستیں ہیں۔

چیف جسٹس قاضی فائز عیسیٰ نے انہیں کہا کہ مخصوص نشستوں کے بینفشریز اور دیگر تفصیلات بتایے۔

وکیل فیصل صدیقی نے بتایا کہ قومی اسمبلی کی 22 اور صوبائی کی 55 نشستیں متنازع ہیں۔

مسلم لیگ (ن) ، پیپلز پارٹی اور جے یو آٸی (ف) سنی نے اتحاد کونسل کی اپیل کی مخالفت کی ہے۔

چیف جسٹس قاضی فائز عیسیٰ کی سربراہی میں فل کورٹ کیس کی سماعت کر رہا ہے جسے لائیو نشر کیا جارہا ہے۔

چیف جسٹس آف پاکستان نے مخالف کرنے والی جماعتوں کے وکلا سے سوال کیا کہ اس کا مطلب ہے آپ یہ نشستیں رکھنا چاہتے ہیں۔

چیف جسٹس پاکستان قاضی فائز عیسی کی سربراہی میں فل کورٹ مخصوص نشستوں سے متعلق سنی اتحاد کونسل کی درخواست کی سماعت کر رہا ہے۔

گزشتہ سماعت پر سپریم کورٹ کے تین رکنی بینچ نے پشاور ہائی کورٹ کے فیصلہ کو معطل کر دیا تھا۔

جسٹس منصور علی شاہ کی سربراہی میں تین رکنی بینچ نے سنی اتحاد کونسل کی درخواست کو قابل سماعت دیتے ہوئے معاملہ ججز کمیٹی کو بھیج دیا تھا۔

سنی اتحاد کونسل نے مخصوص نشستوں کے لیے پشاور ہائی کورٹ کے فیصلے کے خلاف سپریم کورٹ سے رجوع کیا تھا۔

بلوچستان کی پولیس کا کہنا ہے کہ ضلع چمن میں جاری احتجاج میں دھرنا کمیٹی کے ڈنڈا بردار افراد نے پولیو کی ٹیم پر حملہ کیا ہے۔

اس حملے کے حوالے سے ڈپٹی کمشنر راجا اطہر عباس نے الزام عائد کیا ہے کہ پولیس اور لیویز اہلکاروں سے اسلحہ چھیننے کی کوشش کی۔

ان کا مزید کہنا تھا کہ علاقے میں مزید نفری روانہ کر دی گئی ہے۔

اطلاعات کے مطابق چمن میں کلی محمد حسن ٹھیکیدار، کلی میرالزئی اور کلی حاجی باقی جان میں ڈنڈا بردار افراد نے زبردستی مہم معطل کر دی ہے۔

اسلام آباد ہائی کورٹ نے سابق وزیرِ اعظم عمران خان اور ان کی اہلیہ بشریٰ بی بی کے خلاف عدت میں کیس دوسری عدالت میں منتقل کرنے کی خاور مانیکا کی درخواست منظور کر لی ہے۔

اسلام آباد ہائی کورٹ نے کیس ایڈیشنل ڈسٹرکٹ اینڈ سیشن جج محمد افضل مجوکا کی عدالت کو منتقل کر دیا ہے۔

ڈسڑکٹ اینڈ سیشن جج شاہ رخ ارجمند نے کیس منتقل کرنے کے لیے چیف جسٹس اسلام آباد ہائی کورٹ کو خط ارسال کیا تھا۔

واضح رہے کہ گزشتہ سماعت پر بشریٰ بی بی کے سابق شوہر خاور مانیکا نے کیس کے جج شاہ رخ ارجمند پر اعتراض کیا تھا۔