'سیاسی کھلاڑیوں میں سخت سودے بازی ہو گی۔ ہر کوئی زیادہ حصہ لینا چاہے گا'

پاکستان تحریکِ انصاف (پی ٹی آئی) کے رہنماؤں نے صدرِ پاکستان ڈاکٹر عارف علوی سے ایوان صدر میں ملاقات کی ہے۔

ملاقات میں رہنما تحریکِ انصاف رؤف حسن اور عمیر نیازی شامل تھے۔

صدرِ پاکستان کے آفیشل 'ایکس' اکاؤنٹ سے جاری کیے گئے بیان میں کہا گیا ہے کہ ملاقات میں پاکستان تحریک انصاف کے وفد نے عام انتخابات میں مبینہ دھاندلی کے حوالے سے صدر مملکت کو آگاہ کیا۔

سابق وزیرِ اعلٰی خیبرپختونخوا پرویز خٹک نے سیاست چھوڑنے کی خبروں کی تردید کرتے ہوئے کہا کہ وہ صرف کچھ دیر کے لیے بریک لے رہے ہیں۔

وائس آف امریکہ کے نمائندے شمیم شاہد کے مطابق پرویز خٹک کا کہنا تھا کہ وہ عوام کے فیصلے کا احترام کرتے ہیں۔

واضح رہے کہ خیبرپختونخوا کے وزرائے اعلٰی پرویز خٹک اور محمود خان دونوں اپنی نشستوں سے الیکشن ہار گئے تھے۔

پاکستان کے نگراں وزیرِ اعظم انوار الحق کاکڑ نے کہا ہے کہ اگر ضرورت ہوئی تو الیکشن میں مبینہ دھاندلی کی تحقیقات کی جائیں گی۔

پیر کو اسلام آباد میں ایک پریس کانفرنس میں ان کا کہنا تھا کہ انتخابی عمل پر تو ہمیشہ ہی سوالات اٹھائے جاتے ہیں۔ نئی منتخب پارلیمنٹ ملک میں انتخابی عمل کو مزید بہتر بنانے میں کردار ادا کرسکتی ہے۔ الیکٹرانک ووٹنگ مشین کے ذریعے انتخابات کے لیے فیصلہ آئندہ پالیمان کرے گی۔

انوار الحق کاکڑ کا کہنا تھا کہ پاکستان دفاعی اور معاشرتی لحاظ سے ایک مستحکم ملک ہے۔ پرامن احتجاج لوگوں کا حق ہے۔ یہ جمہوریت کا حصہ ہے۔ اگر لوگوں کو کسی چیز پر اعتراض ہے تو وہ جمہوریت میں اپنی آواز بلند کرتے ہیں۔ لیکن اگر یہ پرامن رویہ توڑ پھوڑ یا معاشی پہیے کو روکنے کی طرف چلا جائے تو یہ انارکی کی صورتِ حال ہوتی ہے جس کی کوئی حکومت اجازت نہیں دیتی اور ہم بھی اس کی اجازت نہیں دیں گے۔

ایک سوال کے جواب میں میڈیا نے کہا کہ ہو سکتا ہے کہ انتخابات میں بے قاعدگیاں ہوئی ہوں لیکن اس کے لیے فورم موجود ہے۔ لیکن جو طریقۂ کار ہے اس پر عمل کرنا ہوگا۔

سراج الحق نے اپنے استعفے میں لکھا ہے کہ وہ بھرپور کوشش کے باوجود الیکشن میں جماعتِ اسلامی کو کامیابی نہیں دلا سکے۔

ان کے بقول جماعتِ اسلامی کے سیکریٹری جنرل امیر العظیم نے مرکزی مجلسِ شوریٰ کا ہنگامی اجلاس 17 فروری کو طلب کرلیا ہے۔

واضح رہے کہ جماعتِ اسلامی انتخابات میں قومی اسمبلی کی کوئی بھی نشست حاصل کرنے میں کامیاب نہیں ہو سکی تھی۔