رمضان سے قبل ہی کھانے پینے کی اشیا کی قیمتوں میں اضافہ

کراچی: ماہ رمضان شروع ہونے میں چند ہی دن باقی رہ گئے ہیں۔ ایسے میں ہر سال کی طرح اس سال بھی کھانے پینے کی اشیا کی قیمتوں میں اضافہ دیکھنے میں آ رہا ہے۔ پاکستان کے معاشی شہر کراچی کے جوڑیا بازار میں ان دنوں میں کافی رش دیکھنے میں آرہا ہے، جہاں ہر کوئی رمضان کی تیاریوں میں مگن ہے۔ مارکیٹ میں کئی شہری اشیا کی قیمتیں معلوم کرتے اور بھاؤ تاؤ کرتے نظر آئے۔ دکانداروں کا کہنا ہے کہ سب سے زیادہ دال چاول اور اناج کی اشیا میں 20 سے 30 روپے اضافہ ہوا ہے؛ جب کہ دوسری جانب شہریوں کی قوت خرید کم ہوگئی ہے