فرانس میں پیغمبرِ اسلام کے خاکوں کی اشاعت کے بعد دنیا کے کئی ملکوں میں احتجاجی مظاہروں کا سلسلہ جاری ہے۔ ان ممالک میں پاکستان، بنگلہ دیش، عراق، بھارت، ترکی، شام و دیگر شامل ہیں۔
پیغمبرِ اسلام کے خاکوں کی اشاعت کے خلاف مظاہرے
1
بنگلہ دیش میں ایک ریلی کے دوران مظاہرین نے اپنے ہاتھوں میں پلے کارڈز اٹھا رکھے تھے جن پر تحریر درج تھی کہ اُنہیں پیغمبرِ اسلام سے محبت ہے۔
2
ڈھاکہ میں فرانسیسی سفارت خانے کے باہر مظاہرین نے احتجاجی ریلی کے دوران صدر ایمانوئل میخواں کے بدنما انداز میں بنائے گئے پلے کارڈز اٹھائے ہوئے تھے۔ ان کا مطالبہ تھا کہ میخواں غیر مشروط معافی مانگیں اور ملک سے فرانسیسی سفیر کو بے دخل کیا جائے۔
3
خاکوں کی اشاعت کے خلاف پاکستان کے کئی شہروں میں احتجاج کیا گیا جن میں کراچی اور پشاور میں ہونے والے مظاہروں میں شہریوں کی خاصی بڑی تعداد شریک ہوئی۔ دوران احتجاج فرانس مخالف اور اسلام کی حمایت میں نعرے لگائے گئے۔
4
بھارت کے شہر احمد آباد میں مظاہرے کے دوران فرانسیسی صدر ایمانوئل میخواں کا پتلہ نذر آتش کیا گیا۔