موسم سرما کو رخصت کرتے ہی بہار کی رعنائیوں نے بلوچستان میں دستک دینا شروع کر دی ہے۔ کوئٹہ کے نواحی علاقوں میں موسم بہار نے اپنے پر پھیلا لیے ہیں۔ خوبصورت رنگ گویا زمین پر بکھر گئے ہیں۔ ہر سو پھول ہی پھول اور ہریالی ہی ہریالی نظر آ رہی ہے۔
5پہاڑوں کی سخت مٹی میں نئے پودوں کی پیداوار ، صحرا میں پھول کھلنے کے مترادف ہے۔ یہ پودے خوب صورت سماں کرنے کا سبب ہیں۔
6بلوچستان کے پہاڑی علاقوں میں پھول اور جڑی بوٹیاں قدرتی طور پر کھلتی ہیں۔ انہیں اگانے کے لیے کسی مالی کی بھی ضرورت نہیں۔ ناپانی دینا پڑتا ہے نا کھاد بلکہ یہ قدرتی طور پر اگتے ہیں۔
7موسم بہار میں اگنے والی جڑی بوٹیاں خوبصورت ہونے کے ساتھ ساتھ بہت سی ادویات کی تیاری میں بھی استعمال ہوتی ہیں۔
8ہوا کے دوش پر اڑتے بادل وادی کو اپنی لپیٹ میں لے لیتے ہیں ایسے میں بہار کا موسم عروج پر ہوتا ہے۔