بھارت کے دارالحکومت نئی دہلی کی جواہر لعل یونیورسٹی میں اتوار کو کچھ نامعلوم نقاب پوشوں نے حملہ کیا اور تقریباً 30 طلبہ کو زخمی کر دیا۔ واقعے کے بعد سے یونیورسٹی کیمپس میں کشیدگی کی فضا برقرار ہے۔ ایک طرف طلبہ حملے کے خلاف احتجاج کر رہے ہیں، وہیں پولیس کی بھاری نفری بھی تعینات کی گئی ہے۔
جواہر لعل نہرو یونیورسٹی میں کشیدگی برقرار
1
جے این یو میں طلبہ پر حملے کے بعد بھارت میں جاری مظاہروں کی شدت میں دوبارہ اضافہ ہو گیا ہے۔
2
طلبہ اور اساتذہ پر اتوار کو ہونے والے تشدد کے خلاف بھارت کے کئی شہروں میں مظاہرے کیے جا رہے ہیں۔ ممبئی، کولکتہ، حیدر آباد کے ساتھ کرناٹک اور مغربی بنگال میں بھی احتجاج کیا جا رہا ہے۔
3
نئی دہلی کی جواہر لعل نہرو یونیورسٹی میں اتوار کو کچھ نقاب پوش افراد ڈنڈے لے کر ہجوم کی شکل میں داخل ہوئے تھے۔ ملزمان نے یونیورسٹی میں توڑ پھوڑ کی اور طلبہ اور اساتذہ پر تشدد کیا۔
4
دہلی پولیس نے کہا ہے کہ وہ نقاب پوش افراد کے جامعہ کی حدود میں داخلے اور طلبہ پر تشدد کے واقعے کی تفتیش کر رہے ہیں۔
