ایک نامعلوم شخص نے ارب پتی سرمایہ کار وارن بفیٹ کے ساتھ دوپہر کے کھانے کے لیے 26 لاکھ ڈالر کی کامیاب بولی لگائی ہے۔
اس سالانہ خیراتی نیلامی میں ریکارڈ بولی گزشتہ سال کی کامیاب بولی سے 100 ڈالر زیادہ ہے۔
بولی کی رقم فلاحی ادارے گلائیڈ فاؤنڈیشن کو جائے گی جو سان فرانسسکو میں غربا اور بے گھر افراد کو مدد فراہم کرتا ہے۔
نیلامی میں کامیاب بولی لگانے والا شخص عموماً وارن بفیٹ کے ساتھ نیویارک کے سمتھ اینڈ والنسکی اسٹیک ہاؤس میں دوپہر کا کھانا کھاتا ہے اور ارب پتی سرمایہ کار سے اپنی مرضی کے موضوعات پر گفتگو کرتا ہے۔
