عراق کے دارالحکومت بغداد میں بے روزگاری، بدعنوانی اور ناقص حکومتی اقدامات کے خلاف ہونے والے مظاہروں کا سلسلہ ملکی سطح تک پھیل گیا ہے۔ مظاہروں میں کم از کم 18 افراد ہلاک ہو گئے ہیں جب کہ درجنوں افراد کے زخمی ہونے کی بھی اطلاعات ہیں۔
عراق: حکومت مخالف مظاہرے پورے ملک میں پھیل گئے
1
بغداد سے شروع ہونے والے حکومت مخالف مظاہرے ملک کے مختلف شہروں تک پھیل گئے ہیں۔ ان شہروں میں ناصریہ، نجف اور بصرہ شامل ہیں۔
2
مظاہرین کو تحریر اسکوائر اور گرین زون تک جانے سے روکنے کی غرض سے مختلف شاہراہوں پر رکاوٹیں کھڑی کی گئی تھیں۔ جس کے بعد مظاہرین نے سڑکوں پر ٹائروں کو آگ لگا دی جس سے ٹریفک جام ہو گیا۔
3
عراق میں ہونے والے مظاہروں میں اس وقت تیزی آئی جب پولیس نے مظاہرین کو روکنے کی کوشش کی۔ جس کے نتیجے میں پولیس سے جھڑپوں کا سلسلہ بھی شروع ہو گیا اور صورتِ حال بدتر ہوتی چلی گئی۔ عراقی صدر برہم صالح نے مختلف شہروں میں کرفیو نافذ کرنے کے احکامات جاری کردیے جب کہ کچھ شہروں میں پہلے سے ہی کرفیو نافذ ہے۔
4
مظاہرین کے خلاف پولیس نے آنسو گیس شیل کا استعمال کیا جس کے بعد صورتِ حال مزید بگڑ گئی۔
