متعدد بار تاخیر اور تنقید کا سامنا کرنے کے بعد کرائم، ڈرامہ اور حقیقی کہانی پر مبنی بالی وڈ فلم 'گنگو بائی کاٹھیاواڑی' جمعے سے سنیما گھروں کی رونقیں بڑھا رہی ہے۔
بھارتی فلم ساز اور ہدایت کار سنجے لیلا بھنسالی کی یہ فلم کرونا کی وجہ سے کئی بار ریلیز نہیں ہو سکی تھی۔ لیکن 16 فروری کو 'برلن فلم فیسٹیول 2022' میں 'گنگو بائی کاٹھیاواڑی' کا پریمیئر ہوا تھا۔
فلم 'گنگو بائی کاٹھیاواڑی' کی کہانی حسین زیدی کی کتاب 'مافیا کوئن آف ممبئی' سے اخذ کی گئی ہے۔ اس کتاب میں 1960 کی دہائی میں ممبئی کے علاقے کماٹھی پورا میں قحبہ خانہ چلانے والی گنگا ہرجیون داس کاٹھیاواڑی کی کہانی کا ذکر ہے۔
'گنگو بائی کاٹھیاواڑی' کی کہانی ایک ایسی نوجوان لڑکی کے گرد گھومتی ہے جسے جسم فروشی کےلیے مجبور کیا جاتا ہے جو بعد میں منشیات اور پُر تشدد جرائم میں ملوث ممبئی کے علاقے کماٹھی پورا کی ایک نامور شخصیت بن جاتی ہے۔
فلم میں 'گنگو ' کا کردار اداکارہ عالیہ بھٹ نے ادا کیا ہے جس کا خواب ایک اداکارہ بننا ہوتا ہے اور وہ اپنے آشنا کے ساتھ بھاگ کر ممبئی آ جاتی ہے جہاں وہ گنگو کو ایک قحبہ خانے میں فروخت کر دیتا ہے۔
قحبہ خانے میں گنگو کو تشدد کا نشانہ بنایا جاتا ہے اور بعدازاں وہ جسم فروشی کے کاروبار کا حصہ بن جاتی ہے۔
'گنگو بائی کاٹھیاواڑی' میں عالیہ بھٹ کے علاوہ اجے دیوگن نے کریم لالہ کا کردار ادا کیا ہے۔ فلم میں یہ بھی دکھایا گیا ہے کہ گنگو جسم فروشی سے متعلق قوانین کے لیے آواز بھی اٹھاتی ہے۔
بدھ کو ممبئی میں 'گنگو بائی کاٹھیاواڑی' کی اسپیشل اسکریننگ بھی کی گئی تھی جس میں اداکارہ دپیکا پڈوکون، ارجن کپور، کریتی سینن، جھانوی کپور، سارہ علی خان، ملائکا اروڑا اور دیگر فن کاروں نے شرکت کی تھی۔
جمعے کو فلم کی ریلیز کے بعد فلم بینوں کی جانب سے اس پر اپنے اپنے انداز میں ردِعمل سامنے آ رہا ہے۔
اداکار رتیش دیشمک نے فلم کی کہانی، ڈائیلاگ، پروڈکشن اور سنیماٹوگرافی کی تعریف کرنے کے ساتھ ساتھ اداکارہ عالیہ بھٹ کی اداکاری کو بھی سراہا۔
Saw #GangubaiKathiawadi last night!!! Another magical experience.. #SanjayLeelaBhansali is an absolute master storyteller. Every frame in the film has perfection written all over it. @aliaa08 you are gold! You are a fantastic actor but you have outdone yourself as Gangubai.
— Riteish Deshmukh (@Riteishd) February 24, 2022
مصنف جاوید اختر نے اپنے ٹوئٹ میں اداکارہ عالیہ بھٹ کی اداکاری کی تعریف کرتے ہوئے کہا کہ انہوں نے فلم میں شاندار کارکردگی کا مظاہرہ کیا ہے۔
I have never spared any superlative while praising Alia Bhatt as an actor but after watching “ Gangu bai … “ I realised that actually I was making understatements . She is beyond any superlative . What a performance !!!
— Javed Akhtar (@Javedakhtarjadu) February 24, 2022
اداکارہ جنیلیا دیشمُک نے کہا کہ خواتین کو با اختیار بنانے کی یہ کہانی سب کے لیے پیش کرنے پر سنجے لیلا بھنسالی کا بے حد شکریہ۔
.@aliaa08 you were awesome as #Gangubai you owned every frame of the film & filled it with ur brilliance. A big thank u to #SanjayLeelaBhansali for bringing this story of women empowerment to celluloid. It was poetic, magical, filled with love, pain, tragedy & yet a success story pic.twitter.com/iQZdvcyZLx
— Genelia Deshmukh (@geneliad) February 24, 2022
فلم نقاد ترن آدرش نے 'گنگو بائی کاٹھیاواڑی' کو شاندار فلم قرار دیا ہے۔
#OneWordReview...#GangubaiKathiawadi: BRILLIANT.Rating: ⭐️⭐⭐⭐#SLB is a magician, gets it right yet again... Powerful story + terrific moments + bravura performances [#AliaBhatt is beyond fantastic, #AjayDevgn outstanding]... UNMISSABLE. #GangubaiKathiawadiReview pic.twitter.com/pIyaf1MWtv
— taran adarsh (@taran_adarsh) February 25, 2022